وهذي القصيده للشاعر المعروف
((عطالله فرحان العنزي))
وحبيت انكم تقرونها وتعطوني رايكم فيها
تعبني الحلم لين .. الواقع أنكرني
ـــــــــــــــــــــــــــــــــــ كني مسكت الفرج بيدي وهـــــديته!!
ما فيه داعي على فرقاك تجبرني
ـــــــــــــــــــــــــــــــــــ حتى الجفا منك ولعني ..وحـــــبيته!
الجرح عدى زمانه .. لا تذكرني
ــــــــــــــــــــــــــــــــــ هذاك .. وقت تعذرته.. وجـــــــافيته
لو شفت دمع القصايد كان تعذرني
ـــــــــــــــــــــــــــــــــ تصور إن الشــــعر يضحك وبكيته!!
ما غيروني.. يا كود الله يغيرني
ــــــــــــــــــــــــــــــــ كـــــــم واحد عنك يـــــبعدني ورديته
وفيت وادري وفايه .. ما يصغرني
ــــــــــــــــــــــــــــــــ صوبت يم الهدف . .لكني اخـــــطيته
من طار سرب الغلا والشوق طيرني
ـــــــــــــــــــــــــــــــ شف ما على الأرض واحد ما تعديته!!
خذني على صدرك الدافي ..وسيرني
ــــــــــــــــــــــــــــــــ "بعض الولع" ياخذ الرجال عن بيته!!
أبنشغل في عيونك ... لا تدورني
ـــــــــــــــــــــــــــــــــ ودي بشي أشوفه… مــــــا بعد جيته
خليت قلبي معك والله يصبرني!
ــــــــــــــــــــــــــــــــ مـــــبطي وأنا أقول قلبي وين خليته!؟
نسيت أعلمك طيفك جا يسهرني
ـــــــــــــــــــــــــــــــ بس أنت ما شفتني وشلون ضــــــميته
اشتقت لك ما بغيتك عاد تشكرني
ـــــــــــــــــــــــــــــــــ تغيب والشوق ما عمري تبــــــاطيته
ماخذ على خاطري والبعد قاهرني
ــــــــــــــــــــــــــــــــ مدري شسوي وأنا كل شي ســـويته!؟
العام يوم الوعد ..تسبق وتنطرني
ـــــــــــــــــــــــــــــــــ مستغرب شلون هالموعد تنــــاسيته!؟
وين أنت رايح و لاكنك معبرني
ـــــــــــــــــــــــــــــــــ ما كني اللي على العــــــــالم تمنيته!
لا صار هذي علومك ..راح تخسرني
ـــــــــــــــــــــــــــــــــ ما عمر أحد راح من كيـــــفه وناديته
عند الكرامه أبيعك وأنت خابرني
ــــــــــــــــــــــــــــــــــ الله وكيلك ترى كل شــــــــي مريته
كانه هجر بالسلامه روح ..وهجرني
ــــــــــــــــــــــــــــــــــ أخوي ..لا صد عني ما ترجـــــيته!
وسلامتكم
موضوع: الحلم 
الأحد يناير 27, 2008 7:13 pm
