ياوليفـي ردّ قلبـي فـي محلـه
قبل مايطري علـى بالـك وداع
من عرفتك وانت اخذت القلب كله
غصب عني والهوى مابه شجاع
لك بوَسْط القلب دولـه مستقلـه
وانت فيها حاكم ٍ وامرك مطـاع
لك حديث ٍ مسمعي عيَّـا يملـه
جلّ من سوّاك ياعـذب الطبـاع
لك كثير الشوق اخذ قلبي وتلـه
ومن حنيني لك خفيّ السـر ذاع
يابَعَد روحي غدا بالحـال خلـه
أسـألـك بالله ماللهجــر داع
من يبي شوفك حرام انـك تذلـه
أسألك عجّل بوصل ٍ واجتمـاع
قيد بعدك ياعسـى ربـي يحلـه
ومايجي للوصل رفض ٍ وامتناع
داو قلب ٍ منك به تسعيـن علـه
ذاق مرّ البعد وطعونـه وسـاع
موضوع: يا وليفي 
الجمعة فبراير 08, 2008 5:19 pm
